كوتش وميسر وقوف عائلي ومدرب معتمد
د. عمرو القاضي
شفاء · نمو · تجلي
بنسهّل رحلة تغييرك — بالمسار اللي حالتك محتاجاه فعلًا، مش بطريقة واحدة لكل الناس.
ممكن تكون عارف الإحساس ده
نفس الخناقة. نفس الحيطة. ومش عارف ليه.
ساعات بتبقى فاهم المشكلة كويس، وبرضه بتلاقي نفسك في نفس المكان. ده مش قلة إرادة — ده معناه إن اللي ماسك النمط مش في المستوى اللي بتحاول تحلّه منه.
الخدمات
مش المطلوب تعرف إنت محتاج أنهي طريقة. ده اللي بنحدده مع بعض في أول جلسة.
الكوتشينج
مساحة منظمة توصلك من «مش عارف» إلى «عارف أعمل إيه».
متاحة أونلاين
جلسات الأزواج
نفس الخناقة كل مرة؟ غالبًا الخناقة مش هي الموضوع.
الوقوف العائلي
لما يكون النمط اللي بتعيشه مش بادئ منك أصلًا.
التدريب والاعتماد
في ناس بتيجي عشان نساعدها، وناس بتيجي عشان تتعلم تساعد. القسم ده للتانيين.
الكوتشينج
جلسات بمنهجية ICI مدعومة بأدوات الـ NLP. مش نصايح — أسئلة بتفتح لك اللي قدامك ومش واخد بالك منه، وخطوات عملية تمشي بيها.
لمين: للي واقف عند قرار، أو حاسس إنه بيلف في نفس الدايرة، أو عايز يوصل لهدف واضح.
الأسعار والدفع على متجر د. عمرو على زبوني.
وفي سعر مخفّض للطلبة. كلّمنا على واتساب(يفتح في تبويب جديد)
جلسات الأزواج
جلسات للطرفين مع بعض، بننظر فيها للعلاقة كنسق له ديناميكية خاصة — مش مين غلطان ومين صح — لحد ما كل طرف يشوف مكانه ومكان التاني بوضوح.
لمين: للأزواج والمخطوبين.
الأسعار والدفع على متجر د. عمرو على زبوني.
الوقوف العائلي
كتير من اللي موقفني ومعطلني في حياتي مش بس جاي من قصتي أنا.
أسماء تانية ليه: التشابكات العائلية · الأنظمة العائلية. وبالإنجليزي Family & Systemic Constellations.
اسمع المقدمة بصوت د. عمرو
سبعتاشر دقيقة: إيه هو، وبيشتغل إزاي، وبنتفق على إيه قبل ما نبدأ.
الملف مش بيتحمّل غير لما تضغط تشغيل.
الفكرة الأساسية
اللي موقفني جاي كمان من النظام — المجموعات اللي أنا بنتمي ليها. وأكبر دايرة فيهم هي عيلتي.
وزي ما بنورث لون العينين والتصرفات، بنورث كمان «وعي»: أحداث وصدمات عاشتها العيلة وماقدرتش تتعامل معاها صح، باجي أنا أشيلها — وألاقي نفسي، من غير وعي، بعمل زي جدي أو بتعرض لنفس مواقف أبويا.
المصطلح العلمي لده: الصدمة عابرة الأجيال — Transgenerational Trauma.
ليه محتاج ناس عشان أشوف نفسي؟
محدش يقدر يشوف وشه إلا عن طريق مراية — واللي بيوريني الأجزاء المستخبية مني هما بني آدمين.
الخريطة اللي في دماغي مش هي الحقيقة الكاملة.
الوقوف بيوريني الحتة اللي مش شايفها، عشان أتحرر منها وأوسّع مساحتي للحياة.
﴿وَلَا تَزِرُ وَازِرَةٌ وِزْرَ أُخْرَىٰ﴾
الأصل إني مش المفروض أشيل الألم اللي أهلي اتألموه. لكن ضميرنا الشخصي بيخلينا منعرفش ننبسط بحاجة أهلنا ماعاشوهاش.
اتفاقيات مساحة التشافي
قبل ما نبدأ، بنتفق على أربع حاجات:
٠١
بيئة آمنة
المكان آمن زي أوضة الكشف: أي حاجة تحصل هنا بتفضل هنا — وبنخلص السيشن، خلصت يعني ديليت.
٠٢
نريّح رغبة الإنقاذ
رغبة الإنقاذ بتتجسد في ١٥ نصيحة في الدقيقة وبتضر أكتر ما بتفيد. وبعد الجلسة نتركه في سلام.
٠٣
نخفّف الأحكام
كلنا من آدم وحواء، وكل العائلات فيها الخير والشر. لو طلع جواك حكم، تأمّل فيه بدل ما تقوله: اللي بتشوفه برا انعكاس للي جواك.
٠٤
التعلّم والاتساع
بعد السيشن بنتكلم بس عن إحنا اتعلمنا إيه عن نفسنا — مش عن فلان أو علان.
إمتى تفكر في جلسة؟
- بتكرر نفس نوع العلاقة أو نفس الخناقة مع ناس مختلفين
- حاسس بحمل أو ذنب أو حزن مش لاقي له سبب في حياتك إنت
- في حاجة في العيلة مابتتقالش — وفاة، أو خلاف، أو حد اختفى من الحكاية
- قررت تتغير فعلًا، وبرضه في حاجة بتشدّك لورا
- حاسس إنك مش قادر تنبسط بحاجة، من غير سبب واضح
إنت داخل بأي دور؟
في الجلسة دورين، والاتنين موجودين أونلاين وحضوري:
- صاحب الموضوع (العميل)
- اللي الجلسة بتشتغل على موضوعه: بيقعد جنب د. عمرو، ونظامه العائلي هو اللي بيتشاف.
- المشارك
- بيقف جوه وقوف حد تاني ويمثّل واحد من نظامه. ده الدور اللي بيخلي المراية موجودة أصلًا.
الدورين ليهم سعرين مختلفين على المتجر، والفرق كبير لأنهم مش نفس الحاجة: واحد بياخد جلسة على نظامه هو، والتاني بيحضر وقوف حد تاني.
الأسعار والدفع على متجر د. عمرو على زبوني.
المواعيد والحجز
مواعيد الجلسات الجماعية بتتعلن في مجموعة واتساب مخصصة للوقوف العائلي.
التدريب والاعتماد
في ناس بتيجي عشان نساعدها، وناس بتيجي عشان تتعلم تساعد. القسم ده للتانيين.
للي عايز يشتغل كوتش أو ميسّر جلسات باحتراف، وللممارسين اللي عايزين يضيفوا تخصص لشغلهم. مش شرط تكون خلفيتك نفسية أو طبية.
المسار مع د. عمرو
مدته ١٠ شهور، بنتقابل فيها ٣ أيام كل شهر.
كورس بعتبره رحلة في الوعي.
مسار الوقوف العائلي (WSCO)
المنظمة العالمية للوقوف النَّسَقي بتحدد مسار التأهيل في مجال الوقوف العائلي، وبيبدأ بتدريب تأسيسي مدته ٥ أيام، ثم مستوى ممارس، ثم ماستر. ولا يجوز استخدام لقب المنظمة على أي شهادة إلا مع ختمها الرسمي.
wsco.online (يفتح في تبويب جديد)تفاصيل الشهادات والدفعات
ابعت رسالة ونتكلم في التفاصيل ومواعيد الدفعات القادمة.
عن د. عمرو
د. عمرو القاضي
مش كل مشكلة مكانها العقل. في أنماط بتعيش في الجسد، وفي أنماط اتورّثت جوه العيلة قبل ما تيجي إنت بسنين.
الطريق
جلسات أونلاين مع متعاملين في مصر والسعودية والإمارات وعدد من الدول العربية وتركيا.
ليه أكتر من تخصص؟
د. عمرو مدرّب على مستوى الماستر في خمس مجالات — الكوتشينج، والوقوف العائلي، والتنويم الإيحائي، والـ NLP، والريكي. الفرق مش في العدد: الجلسة بتبدأ بسؤال «حالتك محتاجة إيه بالظبط؟» بدل ما تتوصف لها طريقة واحدة جاهزة.
المؤهلات
المؤهلات والاعتمادات
الألقاب لوحدها مش دليل. اللي يهم هو إيه اللي اتطلب عشان تتاخد.
مسجَّل رسميًا لدى الـ ICI
لقب «Coach Master Trainer, ICI» بيتطلب مسار كامل. المتطلبات السابقة:
- Coach (٣٠ يوم)
- Master Coach (٢٤ يوم)
- Coach Trainer (١٨ يوم)
عنوان الـ ICI للمسار كله — مش مجموع المراحل دي، ومش مدة المرحلة الأخيرة — هو «١٥٠ يوم و١١٠٠ ساعة». الـ ICI بتوصف العنوان ده كالتالي:
- ٧٢ يوم تدريب (٥٢٥ ساعة)
- ٥٤ يوم مساعدة (٣٩٥ ساعة)
- ١٥٠ ساعة ممارسة تحت إشراف
ولجنة التعيينات في الـ ICI هي وحدها اللي بتمنح اللقب ده.
تحقّق من السجل الرسمي (يفتح في تبويب جديد)Coach Master Trainer, ICI
Phoenix for Trainings
Master Coach, ICI
Phoenix for Trainings · Ahmad Abdullah
Coach, ICI
The Field of Awakening · Abdul-Rahman Abdullah
مؤهلات إضافية
- Master Trainer — NLP
- Master Trainer — Hypnotherapy
- Master Trainer — Family & Systemic Constellations, WSCO
- Holy Fire III Reiki Master Teacher
المؤهلات دي معلنة من د. عمرو على صفحاته الرسمية، والشهادات متاحة عند الطلب.
إعلاميًا
إعلاميًا وآراء المتعاملين
حاجات اتقالت عنه، وحاجات قالها.
ظهور إعلامي
- اسمع الحلقة (يفتح في تبويب جديد)
Mega FM 92.7 · العيلة
المفهوم الغلط للثانوية العامة: حياة أو موت
مع مي أنور · ٢٧ يوليو ٢٠٢٦
- اسمع الحلقة (يفتح في تبويب جديد)
Mega FM 92.7 · العيلة
تعمل إيه مع نتيجة الثانوية العامة
مع مي أنور · ٢٧ يوليو ٢٠٢٦
آراء المتعاملين
“The experience was unbelievably fulfilling. Probably the best decision anyone can take to open the door to higher quality of life and start their healing and self discovery process.”
Habiba Nosier · Facebook recommendation · ٢٨ نوفمبر ٢٠٢١
١٠٠٪ من ١٠ تقييمات على فيسبوك بيرشّحوه
شوف التقييمات على فيسبوك (يفتح في تبويب جديد)تواصل معنا
تواصل معنا
أسهل طريقة للحجز هي واتساب. اكتب سؤالك وهيوصلك رد.
تواصل مباشر
تابعنا
فيديوهات ومنشورات عن الكوتشينج والوقوف العائلي والوعي.
مجموعات الإعلانات
مواعيد الورش والجلسات الجماعية بتتعلن في مجموعات واتساب.
أسئلة شائعة
الشغل نفسه
يعني إيه كوتشينج، وإزاي أعرف إني محتاجه ولا محتاج حاجة تانية؟
الكوتشينج مش نصايح: مساحة منظمة بأسئلة بتخلّيك تشوف اللي قدامك ومش واخد بالك منه، وبتنتهي بخطوات عملية. ومش مطلوب منك تعرف إنت محتاج أنهي طريقة — في حاجات مكانها العقل وحاجات في الجسد وحاجات موروثة في النسق العائلي، وده اللي بنحدده في أول كلام بينا.
شوف كل الخدماتإيه هو الوقوف العائلي؟
طريقة بتكشف الأنماط اللي بتتنقل جوه العيلة عبر الأجيال وبتأثر عليك من غير ما تدري. أوضح شرح ليها بصوت د. عمرو نفسه — سبعتاشر دقيقة.
اسمع الشرحالجلسات عمليًا
الجلسات أونلاين ولا حضوري؟
الجلسة قد إيه؟ وهحتاج كام جلسة؟
بتشتغل مع الأزواج؟
أيوه. جلسات للطرفين مع بعض، بننظر فيها للعلاقة كنسق — مش مين غلطان ومين صح.
جلسات الأزواجأحجز إزاي، والأسعار كام؟
احجز ميعادك على /book، والدفع بعدها على متجر د. عمرو على زبوني — وهناك بتلاقي الأسعار. لو تحب تسأل الأول، واتساب أسهل طريقة، وكذلك الخدمات اللي مفيهاش دفع أونلاين.
احجز ميعادالثقة والأمان
اللي بقوله بيفضل سري؟
أيوه، وده أول اتفاق قبل أي جلسة: المكان آمن زي أوضة الكشف، وأي حاجة بتحصل فيه بتفضل فيه. وبنخلص السيشن، خلصت يعني ديليت.
ده متوافق مع ديني؟
د. عمرو بيأصّل الشغل ده على ﴿وَلَا تَزِرُ وَازِرَةٌ وِزْرَ أُخْرَىٰ﴾ — إنك مش المفروض تشيل ألم أهلك. مش استيراد منظومة غريبة، لكن تصالح مع اللي إنت مؤمن بيه أصلًا.
اقرأ أكترإنت دكتور طبيب؟
إيه مؤهلاتك؟
مدرب معتمد Coach Master Trainer من الـ ICI — عنوان الـ ICI للمسار كله ١٥٠ يوم و١١٠٠ ساعة — بالإضافة لمؤهلات ماستر في الـ NLP والتنويم الإيحائي والوقوف العائلي WSCO والريكي.
كل المؤهلاتلو سؤالك مش هنا، ابعت رسالة — مفيش سؤال ساذج.
سياسة الخصوصية
إيه اللي بنجمعه لما تحجز ميعاد، وليه، ومين بيشوفه.
- بنجمع
- اسمك، وإيميلك، والميعاد. مفيش تليفون، ولا بيانات دفع، ولا خانة تكتب فيها عن نفسك.
- تسجيل الدخول
- بصمة مشفّرة للكود، مش الكود نفسه. الكود بينتهي بعد عشر دقايق.
- الحماية
- بنعدّ المحاولات على الإيميل والـ IP لمدة ساعة، عشان نمنع الاستخدام الآلي.
- التتبّع
- مفيش. متصفحك بيحفظ بس الوضع الليلي وحجم الخط.
- الاستخدام
- تأكيد الميعاد والتذكير والإلغاء بس. مفيش إعلانات، ومش بنبيع بياناتك.
- مين بيشوفها
- Cloudflare (الاستضافة)، وResend (الإيميلات)، وزبوني (الدفع، بسياسته). الموقع مش بيشوف بيانات كارت.
- المدة
- بيانات الحجز بتفضل لحد ما تطلب مسحها.
- حقوقك
- نسخة أو تصحيح أو مسح — ابعت من إيميل الحجز. (قانون حماية البيانات الشخصية رقم ١٥١ لسنة ٢٠٢٠)
بخصوص بياناتك:amr.a.elkady@gmail.comواتساب (يفتح في تبويب جديد)· آخر تحديث: